變身「Ginger Queen」做網台主持 余迪偉分享跨性別愛情觀

 

余迪偉變身「Ginger Queen」主持網台愛情節目《夠薑•卜一卜》，分享跨越性別界限的愛情觀。

余迪偉最近變身「Ginger Queen」主持網台愛情節目《夠薑•卜一卜》，每集節除了有不同愛情主題，跟另一主持搭羅師Sandy一齊討論，之後會接聽觀眾來電，解答愛情中的各式各樣難題。迪偉以「Ginger Queen」華麗造型接受《頭條》訪問時，堅稱並非迪偉，仲話自己靚過對方好多，又話不知自己真正性別，但反而更能分析跨越性別界限的愛情觀，相當搞鬼。撰文：杜淑霞 場地：帝樂文娜公館

「Ginger Queen」要靚唔要命，為了靚就算扯甩晒頭髮都堅持戴鹿角上頭。

這條連身裙太窄，「Ginger Queen」差點透唔到氣。

首先問「Ginger Queen」性別，他竟然話：「其實我覺得冇所謂，自己都唔知，雌雄同體都冇問題。」談到跟迪偉關係，「Ginger Queen」直指同對方唔多熟，「我哋識咗10年啦！佢根本摸唔清我個底，因為我喺佢人生裏面突然間先出現。（今次做主持有冇問迪偉意見？）我冇喎！我覺得我好有信心，唔需要佢嘅意見。」




自稱跟男女也有拍過拖的「Ginger Queen」就直言來者不拒，「兩樣都有，我來者不拒嘅，所以我好多經驗，男男女女嘅經驗我都有，我喺呢方面係專家，幫人解決到疑難，畀到意見大家。」他更表示觀眾不怕他太mean，更有人專登打來給他鬧，「有啲人係鍾意畀人鬧醒，有啲觀眾係專登打嚟話叫我鬧醒佢，有啲人畀阿爸阿媽或者好朋友鬧都係唔得，係要畀個三九唔識七鬧好哋哋嘅，人有時就係咁犯賤，我就係要捉住呢個犯賤心理，底蘊係要幫到佢哋。」

節目中，「Ginger Queen」跟搭羅師Sandy一齊討論愛情話題。

自稱不知性別的「Ginger Queen」，話跟猛男和靚女都拍過拖。

狂踩迪偉未夠班


雖然「Ginger Queen」自稱初出道，但問到跟迪偉比較誰做主持較出色，他即相當唔客氣話：「梗係我啦！仲使問嘅！我唔係話佢唔得，佢做得唔錯嘅，喺佢10幾年嘅廣播生涯，我都有聽嘅，佢嘅優點係睇事情睇得好通透，但喺愛情方面冇我睇得咁通透，因為佢成日比較一面倒咗，我嘅優點係比較平衡到兩面啲，因為我兩性都熟識，同埋做愛情節目嘅主持，係要抽離啲去睇，當你拉濶啲，所有事情睇法都好唔同。」VigRX VigRX陰莖增大丸 威樂增大丸 VigRX plus VigRX效果 VigRX副作用 vigrx plus效果

vigrx plus副作用 vigrx plus官網 vigrx plus評價 vigrx plus台灣 美國vigrx vigrx plus香港

VigRX Plus vigrx plus成分 vigrx plus用法 威樂副作用 威樂效果 威樂副作用 威樂官網

威樂評價 威樂台灣 美國威樂 威樂香港 威樂成分 威樂用法

「GingerQueen」在每集節目都以不同華麗造型現身，靚衫共花了六位數度身訂造外，原來他事前做了護膚和健身，還努力勁減超過10磅配合造型，「平均每次都要整兩個鐘裝身先可以出鏡，但好彩我有自己團隊幫手，但好似今日呢個頭飾好重，係一個好惡嘅鹿角嚟，因為『Ginger Queen』比較寸同惡，所以我揀咗呢個造型嚟做訪問，無論用咩方法都要戴，就算可能會扯甩晒我啲頭髮，我都會照戴。（有冇畀迪偉睇？）畀咗相佢睇，佢話OK啦！仲話佢着靚啲，我話冇可能囉！一定係『Ginger Queen』靚啲，因為我嘅嫵媚，迪偉係冇嘅，佢受唔到呢啲妝，我啲皮膚同身形都靚過晒佢，佢行開啦！佢想搞都搞唔到，天生麗質嘅嘢，邊有得整嘅啫！」

每集節目，「Ginger Queen」以不同華麗造型現身。

「Ginger Queen」的造型相當特別，每次要花足兩粒鐘準備。